Helo, Terri ydw i

Terri in a TRH bandana

Terri y Plummer Terrier yw’r gŵr bach hapus hyfryd hwn. Daeth Terri i’n gofal ni oherwydd ei fod yn crwydro; roedd e’n swil iawn ac wedi drysu’n lân ar y dechrau. Mae Terri bellach yn chwilio am gartref parhaol lle gall fagu hyder a dysgu sut i ffynnu fel y gall fod yn gi Terrier bach sionc fel y dylai fod!

Mae Terri yn teimlo’n fwy hyderus pan fo gyda chŵn eraill; mae wir wrth ei fodd yn chwarae gyda’i ffrindiau a gallwch weld ei fod yn fwy hyderus o gwmpas pobl pan mae’n gweld cŵn eraill yn cael maldod hefyd. Rydym yn credu y byddai’n elwa o fyw gyda chi preswyl arall sydd wedi cael ei ysbaddu, yn dibynnu ar gyflwyniadau a gynhelir yn y ganolfan.

Mae Terri wrth ei fodd yn mynd am droeon hir; byddai’n gyfaill da i rywun sy’n hoffi troeon hir a mynd i archwilio. Byddai’n well ganddo fyw yn rhywle tawel gan ei fod yn gallu bod yn eithaf pryderus am bethau sy’n gwibio heibio iddo (beiciau, ceir ac ati)! Bydd angen i Terri fynychu dosbarthiadau hyfforddi er mwyn cynyddu ei hyder o ran y pethau hyn, a dysgu sgiliau bywyd cyffredinol.

Mae Terri ychydig yn ansicr o gael sylw gan bobl ar hyn o bryd.  Er ei fod yn mwynhau cwtsh unwaith y mae’n eich hadnabod chi, gall fod yn amheus ar y dechrau.  Bydd angen iddo gael perchnogion a all fod yn bwyllog er mwyn iddo ddod i ymddiried ynddynt yn raddol bach.  Yn yr un modd, gall gymryd pwyll olygu y bydd yn dod i gysylltu cael ei gyffwrdd gan bobl fel rhywbeth cadarnhaol, fel ei fod yn teimlo’n ddiogel o’ch cwmpas.

Gallai fyw gyda phlant tawel 11+ sy’n parchu ei ofod yn dibynnu ar gyflwyniadau a gynhelir yn y ganolfan.