{"id":23169,"date":"2026-05-26T22:03:30","date_gmt":"2026-05-26T22:03:30","guid":{"rendered":"https:\/\/www.cardiffdogshome.co.uk\/2026\/05\/lemmy\/"},"modified":"2026-05-26T22:05:22","modified_gmt":"2026-05-26T22:05:22","slug":"lemmy","status":"publish","type":"post","link":"https:\/\/www.cardiffdogshome.co.uk\/cy\/2026\/05\/lemmy\/","title":{"rendered":"Lemmy"},"content":{"rendered":"

Dywedwch helo wrth Lemmy y ci bach anferth! Mae Lemmy yn Caucasian Shepherd gafodd ei ddod i\u2019n gofal fel \u201cstray ffug\u201d. Roedd mewn cyflwr ofnadwy pan gyrhaeddodd atom ni, ei got wedi matio\u2019n llwyr ac roedd wedi\u2019i orchuddio mewn wrin a baw. Mae Lemmy ond tua 5-6 mis oed ac roedd yn hollol ofnus pan ddaeth atom. Roedd rhaid ei gario i ac o\u2019i gwtsh ar gyfer y milfeddyg a\u2019r groomers oherwydd roedd mor ofnus nes oedd o\u2019n plannu\u2019i hun ar y llawr.<\/p>\n

Diolch byth mae Lemmy wedi bod yn gwneud cynnydd anhygoel yn ystod y dyddiau diwethaf\u2026 Cafodd drip i weld y merched yn Salty Pawz ac fe wnaeth pawb weithio gyda\u2019i gilydd i achub cymaint o\u2019i got \u00e2 phosib. Roedd Lemmy yn wych drwy\u2019r groom ac fe fwynhaodd bob eiliad (yn enwedig yr holl gwtshys!) ac fe lwyddodd y t\u00eem i gadw\u2019r rhan fwyaf o\u2019i got, sydd yn fuddugoliaeth enfawr o ystyried pa mor fatiedig oedd hi. Gall Lemmy fod yn eitha nerfus gyda phethau newydd, yn enwedig dynion! Ond unwaith mae o wedi cael amser i sniffian ac i ddweud helo\u2019n araf, mae o\u2019n cynhesu\u2019n gyflym ac mae\u2019r pen \u00f4l yna\u2019n wiglo fel dim byd arall!<\/p>\n

Mae Lemmy wedi bod yn cael sesiynau cymdeithasu araf, yn cwrdd \u00e2 phobl newydd, yn dweud helo wrth g\u0175n eraill ac yn cael play dates gyda nhw, yn archwilio synau, golygfeydd ac arogleuon newydd ac mae o wedi bod yn gwneud yn arbennig o dda. Gyda gwaith parhaus ar hyn a hyfforddiant, bydd o\u2019n parhau i ffynnu ac yn tyfu\u2019n fachgen oedolyn cytbwys. Mae Caucasian Shepherds yn fridiau gwarchod da byw sy\u2019n dod gyda llawer iawn o waith, felly bydd Lemmy yn chwilio am gartref sydd \u00e2 phrofiad o fridiau gweithio mawr fel y gall gael y cyfle gorau i ffynnu yn ei gartref newydd. Bydd angen iddo fynd i ddosbarthiadau hyfforddi rheolaidd i barhau i ddatblygu ei sgiliau bywyd a chymdeithasol.<\/p>\n

Mae rhoi ffrindiau c\u0175n i Lemmy chwarae gyda nhw a dysgu ganddyn nhw wedi bod yn hanfodol i\u2019w ddatblygiad! Rydym yn credu y byddai\u2019n fwyaf addas i gartref gyda chi preswyl wedi\u2019i ysbaddu\/neutro sy\u2019n hoffi chwarae ond sydd hefyd \u00e2 ochr dawel, i helpu i godi ei hyder. Gallai Lemmy hefyd o bosib fyw gyda chathod a phlant 12+ yn dibynnu ar y cyflwyniadau a wneir yn y ganolfan..<\/p>\n

 <\/p>\n

\"Lemmy

Lemmy on arrival<\/p><\/div>\n

\"Making

Making friends<\/p><\/div>\n

\"Playing

Playing<\/p><\/div>\n

\"Zoomies

Zoomies<\/p><\/div>\n