Gucci
Dywedwch helo wrth ein ffrind bach blewog, Gucci! Mae Gucci yn groes Pomeranian a Chihuahua a ddaeth i’n gofal yn wreiddiol fel ci crwydr; trosglwyddwyd ef i ni wedyn gan na allai’r perchnogion ofalu amdano mwyach.
Roedd ffwr Gucci wedi mynd yn glymau pan gyrhaeddodd gyntaf, ond ar ôl diwrnod o driniaethau harddwch gyda ‘Modryb Emma’, roedd yn teimlo fel ci newydd sbon!
Mae Gucci yn 11 oed, ond fyddech chi byth yn dyfalu hynny! Mae’n gi bach bywiog iawn sy’n caru bywyd. Mae Gucci yn gi bach hyfryd a chariadus; y cyfan mae ei eisiau yw mynd am dro gyda’i ffrindiau a chael llawer o gofleidiau. Bydd yn dringo ar eich glin ac yn cyrlio i fyny’n bêl fach, ac ni fydd yn symud am unrhyw beth!
Mae Gucci wedi cael cyfle i chwarae gydag Otis a Pebbles ac roedd yn ymddwyn yn dda iawn gyda nhw; llwyddodd i gyd-fynd yn dda heb boeni gormod am chwarae. Ond unwaith iddo ennill hyder, daeth ei bersonoliaeth wirioneddol i’r amlwg wrth iddo ryngweithio â nhw!
Ar hyn o bryd, mae Gucci yn aros am driniaeth ddeintyddol a fydd yn cael ei gwneud cyn iddo gael cartref newydd.
Gallai fyw gyda phlant o unrhyw oedran, cŵn eraill a chathod – yn dibynnu ar y broses gyflwyno yn y ganolfan.
Os bydd eich cais yn llwyddiannus cewch eich gwadd i gwrdd â Gucci. Os na chlywch chi unrhyw beth yn y 7 diwrnod nesaf gofynnwn i chi gymryd nad yw eich cais wedi bod yn llwyddiannus y tro hwn.Oherwydd y nifer fawr o geisiadau rydym yn eu cael ni allwn gysylltu â phawb am hyn yn anffodus.
Gallwch chi ein helpu i achub ac ailgartrefu ein cŵn.
Gwirfoddolwch i fynd ag un o'n cŵn am dro.
Comments are closed.