Niwtro
Rydym yn cynghori perchenogion i fynd â chŵn (benyw a gwryw) i’w niwtro pan fyddant yn 6 mis oed a hŷn. Mae’n lleihau nifer y toreidiau dieisiau a gall helpu eich ci i fyw bywyd hir ac iach hefyd.
Rydym yn niwtro pob ci sy’n cael ei ailgartrefu. Os ydych yn hawlio budd-daliadau, gallwch fanteisio ar ein gwasanaeth niwtro rhad mewn partneriaeth â’r Dogs Trust.
Caiff y driniaeth niwtro ei chynnal gan ein milfeddygon mewnol.
Rydym yn cynnig y gwasanaeth niwtro cŵn i bob aelod o’r cyhoedd. Caiff ei gynnal yn y cartref ar ddydd Mercher.
Y gost.
Mae’n costio £65.00 i sbaddu ci a £110.00 i gyweirio gast.
Gellir cynnig gwasanaeth niwtro â chymhorthdal am £35.00 i’r rheiny ar fudd-dal sy’n dibynnu ar brawf modd, a hynny ar gyfer y mathau canlynol o gŵn yn unig:
- Daeargi Tarw Stafford (Staffordshire Bull Terrier)
- Ci Defaid (Collie)
- Ci Defaid Almaenig (German Shepherd)
- Daeargi Jack Russell (Jack Russell Terrier)
- Malamute a/neu Hysgi
- Rottweiler
- Ci Tarw Americanaidd (American Bulldog)
- Mastiff
- Bridiau croes lle mae’r prif frîd yn un o’r rhai a nodir uchod.
Bydd angen dangos prawf o’ch budd-daliadau presennol ar adeg eich apwyntiad.
Bydd yr apwyntiad rhwng 8.30am a 9.30am ar fore Mercher. Bydd eich ci yn barod i ddychwelyd adref rhwng 1pm a 4pm ar yr un diwrnod. Bydd gofal ôl-driniaeth yn cael ei roi pan fyddwch yn casglu eich ci.
Sicrhewch nad yw eich ci yn bwyta wedi 6pm y noson gynt, er y caiff yfed dŵr. Sicrhewch fod eich ci yn mynd am dro i gael mynd i’r tŷ bach ar fore’r driniaeth.
