Helo, Mojito ydw i

Cyfarfod Mojito – y “slinky” diweddara’ yn y dref!

Mae Mojito yn Dachshund ifanc ddaeth i’n gofal fel crwydryn pryderus. Roedd o’n denau iawn ac yn amlwg wedi colli allan ar y cariad a’r gofal mae pob ci yn ei haeddu.

Rŵan mae o’n saff gyda ni ac yn barod i ddod o hyd i’w gartref parhaol. Mae Mojito yn dechrau dysgu bod bywyd yn gallu bod yn beth da iawn. Mae dal angen gwaith adeiladu hyder arno, felly bydd angen i hyn barhau yn ei gartref newydd er mwyn iddo deimlo’n gyfforddus ac yn ddiogel wrth setlo mewn i fywyd bob dydd.

Mae Mojito yn chwilio am gartref deallus, tawel ac amyneddgar gyda phobl sydd â phrofiad o’r brîd Dachshund. Bydd angen perchnogion arno sy’n fodlon rhoi amser, sicrwydd ac arweiniad iddo wrth iddo barhau i ddatblygu ei hyder.

Byddai dosbarthiadau hyfforddi yn fuddiol iawn i Mojito, i helpu adeiladu bond gyda’i deulu newydd a dangos iddo nad yw’r byd mor frawychus ag mae’n meddwl. Unwaith mae o’n setlo i mewn i’w gam, mae’n cerdded yn dda ar dennyn ac yn mwynhau archwilio. Mae pob golygfa ac arogl newydd yn cael ei wirio gyda chwilfrydedd wrth i Mojito ddod i arfer gyda’r byd o’i gwmpas.

Mae’r hogyn bach yma wedi dod mor bell yn barod ac rŵan dim ond cartref cariadus sydd ei angen arno i barhau ei daith..

On a walk

On a walk

On a walk