Helo, Helga ydw i

Writing
Mae Helga bellach yn 8 oed ac yn chwilio am gartref arbennig iawn am byth.
Daeth y French Bulldog hardd yma i’r ganolfan yn teimlo’n ofnus, yn ddryslyd ac wedi’i siomi’n llwyr. Yn anffodus, mae Helga yn ddioddefwr arall o gael ei gadael a’i phasio ymlaen fel “stray ffug” — wedi’i hanwybyddu gan y bobl oedd fod i’w charu a’i chadw’n saff.
Yn anffodus hefyd, mae Helga wedi dioddef oherwydd bridio anghyfrifol. Mae ganddi anffurfiadau yn ei choesau ôl sydd ddim yn gallu cael eu cywiro drwy lawdriniaeth. Y newyddion da yw ei bod hi’n ymateb yn dda iawn i’w meddyginiaeth poen dyddiol ac yn dal i fwynhau ei bywyd, ei theithiau cerdded a’i chwtsys. Bydd angen i’w pherchnogion newydd fod yn barod i barhau gyda’i gofal milfeddygol a’i hanghenion meddygol parhaus.
Pan gyrhaeddodd Helga gyntaf, roedd bywyd mewn cenelau yn hynod o straenus iddi. Ers symud i gartref maeth cariadus, mae hi wedi blodeuo’n llwyr. Mae ei gofalwr maeth wedi gweithio mor galed gyda hi ac yn angerddol iawn am ddod o hyd i’r cartref perffaith iddi — ac yn onest, mae’r newid ynddi wedi bod yn anhygoel.
Mae Helga wedi dysgu cymaint yn ei chartref maeth ac mae hi’n gi hollol wahanol i’r un a gyrhaeddodd gyntaf. Unwaith mae hi’n ymddiried ynoch chi, mae ei chymeriad doniol a chariadus yn disgleirio. Mae hi wrth ei bodd gyda chwtsys, yn rholio o gwmpas mewn hapusrwydd ac yn chwarae’n hapus gyda’i theganau yn y tŷ. Mae trefn yn bwysig iawn iddi ac mae hi wir yn ffynnu unwaith mae ganddi drefn sefydlog.
Gall y byd tu allan deimlo’n ormod iddi weithiau, yn enwedig o gwmpas cŵn eraill, ond mae hi’n gwneud cynnydd gwych gyda’i hyfforddiant a’i harweiniad. Mae hi’n fach, yn caru bwyd ac yn awyddus i ddysgu. Nid yw hi’n ymatebol i draffig, pobl na beicwyr ac mae hi’n setlo’n dda iawn pan gaiff ei gadael am gyfnodau byr.
Mae Helga hefyd angen glanhau ei chlustiau’n ddyddiol a diferion clust rheolaidd. Diolch i amynedd a gwaith caled ei gofalwr maeth, mae hi wedi ymateb yn wych i hyfforddiant counter-conditioning ac erbyn hyn mae’n gallu derbyn ei diferion clust bron bob dydd heb boeni. Mae ei chartref maeth wedi rhoi cymaint o waith i helpu Helga deimlo’n saff ac yn gyfforddus gyda thriniaeth, ac mae hynny wedi gwneud gwahaniaeth enfawr i’w hyder a’i lles.
Mae Helga yn chwilio am gartref tawel, dim plant a dim anifeiliaid eraill, lle gall hi barhau i deimlo’n saff, wedi’i deall ac wedi’i charu. Byddai cartref prysur yn ormod i’w natur sensitif.
Os ydych chi’n chwilio am gydymaith ffyddlon fydd yn rhoi cariad, chwerthin a chwtsys diddiwedd i chi, plis ystyriwch roi’r cartref am byth mae Helga wir yn ei haeddu.
Mae Helga wedi dod mor bell yn barod. Nawr, y cyfan sydd ei angen arni yw rhywun i roi’r diwedd hapus mae hi wedi bod yn aros amdano.

Helga